Украина за првпат јавно го откри својот нов поморски дрон, во обид да ги ограничи операциите на руската флота во Црното Море.
„Си-Ен-Ен“ доби ексклузивен поглед на новиот дрон, кој е дизајниран да напаѓа бродови во руската Црноморска флота. Носи стотици килограми експлозив и може да погоди цел оддалечена до 800 километри.
Дронот, кој е дизајниран и произведен во Украина, се контролира од далечина и може да се користи и за извидување и надзор.
Пилотот на дронот со кодно име „Шарк“ (Ајкула) изјави за „Си-Ен-Ен“ дека дронот е лесен за ракување и дека е успешен во ограничувањето на движењата на руската морнарица.
Снимката објавена од „Си-ен-ен“ ја покажува ударната моќ на украинските поморски беспилотни летала, додека некои од нив ја пробиваат руската одбрана и ги напаѓаат бродовите и главното пристаниште на Црноморската флота. Развивачот на дронови изјави за Си-Ен-Ен дека одбраната на Русија е неефикасна од беспилотните летала бидејќи нејзините бродови се дизајнирани да напаѓаат други бродови, а не помали цели.
Тие се побрзи од било што друго во Црното Море, тврди производителот.
Способностите на дронот беа видени и при неодамнешниот напад на мостот на Крим. Мостот долг околу 19 километри е клучна рута за снабдување меѓу Русија и Крим, полуостров анектиран во 2014 година. Украина употреби два нејзини поморски беспилотни летала за да го нападне мостот, предизвикувајќи голема штета.
Не е наведено колку нови беспилотни летала направила или уште колку планира да направи, објави Си-Ен-Ен.
