Најмалку 15 лица загинаа при потонување траект кај индонезискиот остров Сулавеси, а 33 се спасени, од кои двајца се пренесени во болница.
Причината за потонувањето, кое се случило околу полноќ, сѐ уште не е јасна.
Бродот превезувал луѓе преку заливот на островот Муна, околу 200 километри јужно од Кендари, главниот град на југоисточната провинција Сулавеси, а патувањето требало да трае само 20 минути.
Траектите се вообичаен начин на транспорт во Индонезија, а несреќите се вообичаени бидејќи слабите безбедносни прописи дозволуваат бродовите да се преоптоваруваат без соодветна опрема за спасување.
