Русија ги смета за „непријателски“ сите земји кои и воведоа санкции поради инвазијата во Украина
Ултранационалистичката Либерално-демократска партија на Русија (ЛДПР) работи на нацрт-закон со кој привремено ќе се забрани патувањето на блиски роднини на високи функционери во „непријателските земји“, пренесува РИА.
Русија ги смета за „непријателски“ сите земји кои и воведоа санкции поради инвазијата во Украина.
Цитирајќи го членот на руската Дума Сергеј Каргинов, РИА објави дека ограничувањата, меѓу другото, може да влијаат и на службениците за спроведување на законот, судиите, врвните менаџери на државните корпорации и одборот на директори на Централната банка.
– Сега, кога Русија е принудена да се соочи со група западни земји предводени од САД кои го испровоцираа конфликтот во Украина, таквите патувања не само што се недозволиви, туку и опасни – рече Каргинов.
Да потсетиме, Русија започна инвазија на соседна Украина во февруари 2022 година.
