Во пожар во мал рудник за злато во јужниот дел на Перу загинаа 27 луѓе, што е најсмртоносната рударска несреќа во земјата во повеќе од две децении, соопштија властите во неделата.
Во соопштението, локалната влада соопшти дека краток спој го предизвикал пожарот во раните утрински часови во саботата во јужниот регион Арекипа. Сликите на локалните медиуми и социјалните мрежи покажаа темни облаци од чад што извираа од местото на несреќата.
Со рудникот управува мала компанија наречена Јанакихуа. Компанијата не одговори веднаш на барањето за коментар.
– Полициската станица Јанакихуа потврди дека има 27 мртви – изјави локалниот обвинител Џовани Матос за локалната телевизија во неделата.
Перу е најголем светски производител на злато и втор по големина производител на бакар. Според податоците на перуанското Министерство за енергија и рудници, овој инцидент е најсмртоносната рударска несреќа од 2000 година.
