По масакрот што утрово се случи во основно училиште во Белград, Владата на Србија за попладнево закажа вонредна медиумска конференција на која пред јавноста ќе се обратат министрите за образование и здравство и претставник на полицијата.
Во меѓувреме, доаѓаат нови вознемирувачки сведоштва од ученици кои го преживеале нападот.
„Легнав до мојот мртов пријател. И јас се преправав дека сум мртов. Така се спасив“, вели еден студент, чии зборови мајка му ги пренесе за „Телеграф“.
Таа додаде дека напаѓачот бил пријател на нејзиниот син.
„Минатата недела мојот син го прослави роденденот и тој беше на забавата. Немаше индикации дека ќе направи нешто толку страшно. Никогаш не бил насилен. Мојот син е во шок“, рече таа.
„Мојот син беше во училницата кога К.К. отворил оган врз нив. Од сигурна смрт се спасил кога во моментот на пукањето легнал покрај својот починат пријател. Легнал до него и се преправал дека е мртов. Во моментот кога повеќе не ги слушнал истрелите, во крв скокна од прозорецот и си заминал дома, каде ми рече: „Ги уби сите, сите!“, раскажала мајката на студентот кој преживеал.
