Киев се обидел со беспилотни летала да ја нападне резиденцијата на претседателот Владимир Путин во Кремљ, објави неговата администрација, пренесува Риа.
– Два дрона беа насочени кон Кремљ. Како резултат на навремените дејствија на армијата и специјалните служби кои користат радарски системи за војување, уредите се оневозможени – се наведува во соопштението.
Се додава дека Путин не е повреден и дека неговиот распоред на задачи не е променет.
На социјалните мрежи се појави и видео од наводен обид за напад со дрон врз резиденцијата на Путин.
При падот и разлетувањето на фрагменти од беспилотното летало на територијата на Кремљ, нема повредени.
Кремљ ги нарече овие акции планиран терористички акт и обид за атентат на претседателот пред парадата за Денот на победата на 9 мај.
– Руската страна го задржува правото да преземе одмазднички мерки каде и кога ќе смета дека е потребно – додава администрацијата на рускиот претседател.
Украина се уште не ги коментира овие обвинувања.
JUST IN – Russia says Ukraine tried to hit Kremlin with drones overnight in an assassination attempt on Putin.pic.twitter.com/xAS0BtTDzs
— Disclose.tv (@disclosetv) May 3, 2023