Најмалку 59 ученици колабирале како последица на хемиско труење во салата во училиште во Пирна, Германија.
На часовите по физичко, првите седум деца се пожалиле на мачнина, вртоглавица и трнење во рацете. Тремор на рацете пријавила и професорката по физичко.
До пладне бројот на деца кои се пожалиле се искачи на 32. Полицијата тогаш соопшти дека до доцна попладне „59 ученици и еден наставник“ се повредени и добиле лекарска помош на лице место, но 12 деца морале да одат во болница .
Според извештаите, во овој инцидент биле погодени вкупно 63 лица, од кои 22 се пренесени во болница.
– Во четвртиот час имавме физичко образование. Немаше мирис кога влеговме во салата, но почнаа да ме болат главата и вратот. Наставникот нè извади од салата. Ни кажаа дека истечела некоја хемикалија – изјави за Билд ученик од осмо одделение.
Портпаролот на полицијата рече дека, според првичните информации, до инцидентот дошло како последица на употреба на хемиско средство за чистење.
