Кремљ ги отфрли сугестиите дека рускиот претседател Владимир Путин има двојник за јавни настапи.
„Веројатно сте слушнале дека Путин наводно има многу газди кои работат за него додека тој седи во бункер. Toa e уште една лага, им рече на младите на едукативен настан во Москва, портпаролот на Кремљ, Дмитриј Песков.
„Гледате каков претседател имаме. Беше и сè уште е мега активен. Ние што работиме со него тешко можеме да останеме во чекор со него“, додаде тој.
Песков ова го изјави по повторените сугестии дека Путин всушност е претставен од некој што се појавува на негово место во јавноста.
Последните обвинувања беа откако беше објавено дека Путин отпатувал во Украина за да ги посети воените зони под руска окупација.
„Тоа не беше вистинскиот Путин“, рече минатата недела Олексеј Данилов, секретар на Советот за национална безбедност на Украина.
Тогаш Кремљ го отфрли неговото тврдење. Нема докази дека двојникот се појавува на официјалните средби на Путин.
