7.8 C
Скопје
18. април 2024
Centar.mk – Вести, бизнис, забава, спорт…
СВЕТ

Германски авиони на борбени позиции поради руски авион над Балтикот

Германски воени авиони, стационирани на источното крило на НАТО, од август минатата година 27 пати заземале борбени позиции по предупредувањето за непознати авиони во Балтичкиот Регион, соопшти германски „Луфтвафе“.

За време на распоредувањето на авионите, германските сили идентификувале руски воен авион над Балтичкото Море, изјави портпаролот на „Луфтвафе“. За германските авиони „еурофајтер тајфуни“ се огласила тревога кога непознат авион се приближил до воздушниот простор на Балтикот, без сигнал од транспондер или радиоконтакт.

Повеќе од 150 германски војници се стационирани во Естонија од август минатата година со цел да го заштитат воздушниот простор на источното крило на НАТО. Германскиот претседател Франк-Валтер Штајнмаер утре треба да ја посети воздухопловната база Амари.

Трите балтички држави и членки на НАТО, Естонија, Литванија и Летонија, немаат свои воздушни сили, а НАТО ги користи литванските бази Амари и Сијаулијај за да го надгледува тој воздушен простор. Сојузниците на НАТО го ротираат распоредувањето авиони и персонал во овие бази. Германија учествува во оваа мисија од 2005 година.

Спонзорирано: