Телата на 28 лица убиени со огнено оружје се пронајдени во северозападниот град Нуна во Буркина Фасо, потврди тамошното Обвинителство.
Истрагата е поведена по пронаоѓањето на телата на крајот на декември минатата година, објави Обвинителството, без да прецизира други детали, можните сторители, како и мотивите на нападот.
Оваа западноафриканска земја со децении се соочува со бунт на џихадистите, што се прошири од Мали.
Илјадници луѓе беа убиени, а милиони беа протерани од своите домови.