Генералниот секретар на НАТО, Јенс Столтенберг, коментирајќи ги тензиите на Косово и Метохија, испрати јасна порака до двете страни.
Имено, тој за француската телевизија „Франс 24“, одговарајќи на прашањето колку е загрижен за последните настани на Косово, изјави дека неговата порака до двете страни е да се воздржат од изјави кои придонесуваат за ескалација на конфликтот и потези, и да помогне во намалувањето на тензиите.
„НАТО е многу фокусиран на прашањето за Косово, како и за Западен Балкан. Имаме долга историја, помогнавме да се стави крај на две етнички војни, прво во Босна и Херцеговина, а подоцна и во Косово. Нашите сили се уште се присутни таму преку Силите на НАТО, односно КФОР кој има речиси 4.000 членови и е клучен фактор за стабилизирање на регионот и ситуацијата“, рече генералниот секретар на НАТО.
А потоа испрати уште појасна порака:
„Нашите сили се подготвени, способни и „внимателни”. Тие ја следат ситуацијата многу внимателно. Силите на НАТО и ЕУ тесно соработуваат. Мој совет до сите страни е да се воздржат од реторика што придонесува за ескалација на конфликтот и да помогнат во намалувањето тензии“.
