Руските сили продолжуваат да даваат приоритет на реопремата, реорганизацијата и одбранбената подготовка во повеќето сектори на Украина по повлекувањето западно од реката Днепар, се наведува во најновиот извештај на британското министерство за одбрана.
Армијата изгради нови системи за ровови во близина на границата со Крим, како и меѓу регионите Доњецк и Луганск, а некои од овие локации се и до 60 километри зад сегашната линија на фронтот, пишуваат Британците.
Ова сугерира дека руските планери се подготвуваат за натамошни големи украински откритија, се додава во извештајот.
Британското министерство нагласува дека е веројатно Русија да се обиде на крајот да прераспореди некои од силите вратени од Херсон за да ги зајакне и прошири своите офанзивни операции во близина на градот Бахмут во источниот регион Доњецк. Бахмут е град во кој Русите сè уште бележат некаков успех, дури и ако сè уште не успеале да го освојат.
