Претседателката на Претставничкиот дом на американскиот Конгрес, Ненси Пелоси, во своето прво јавно појавување по нападот врз нејзиниот сопруг изјави дека претстојните конгресни избори се борба за демократија и дека таа ќе победи.
Пелоси рече дека Демократската партија не се бори само за победа на овие избори, туку и за зајакнување на демократијата.
Претседателката на Претставничкиот дом на американскиот Конгрес за време на видео обраќање рече дека заздравувањето на нејзиниот сопруг Пол (82) ќе трае долго и им се заблагодари на сите што му помогнале.