Уште четири брода натоварени со жито во согласност со Договорот за извоз на жито во Истанбул испловија од украинските пристаништа, соопшти турското Министерство за одбрана.
Во соопштението не е прецизирана дестинацијата на бродовите, но се наведува дека испораките од украинските пристаништа се одвиваат според планираното.
Турција, Обединетите нации, Русија и Украина во јули постигнаа договор за извоз на жито од украинските пристаништа на Црното Море, кои беа суспендирани поради руско-украинската војна што започна во февруари.
Страните преговараат за можно продолжување на договорот, кој истекува на 19 ноември, со руско жито и ѓубриво.
Од 1 август, 365 бродови со повеќе од осум милиони тони производи испловија од Украина.
Спонзорирано: