Во последните денови Канада се подготвува за пристигнувањето на ураганот Фиона, кој тамошната метеоролошка служба го нарекува „историски“, бидејќи ги опустоши Карибите и предизвика поплави и прекин на електричната енергија на Бермудите.
„Како ќе биде оценет во историските книги ќе се утврди по настанот, но ние сме уверени дека тоа ќе биде историски и екстремен настан за источна Канада“ – рече Боб Робишо, прогнозер на канадскиот центар за предвидување урагани кој ја оцени Фиона како „голем“ ураган.
Откако накратко ја прекласифицира Фиона во категоријата 4 на скалата Сафир-Симпсон (која има пет степени), Националниот центар за урагани (NHC), со седиште во Мајами, САД, во својот најнов извештај, го врати ураганот во категоријата 3, со налети на ветер посилни од 200 km/h.
Властите издадоа предупредување за можни прекини на електричната енергија, апелирајќи до сите жители да останат дома и да складираат залихи со храна доволни за најмалку 72 часа.
Премиерот Џастин Трудо ги повика сите да бидат внимателни
„Бурата утре наутро (сабота) треба да го зафати канадскиот брег на Атлантикот и силно да го погоди целиот регион, вклучително и делови од источен Квебек“ – предупреди тој на прес-конференција.
