Борис Џонсон се огласи за прв пат по резултатите од гласањето за доверба на неговото раководство.
Опишувајќи го резултатот како „убедлив“ и „одлучувачки“, Џонсон рече дека владата сега треба да се „соедини“ и „да оди понатаму“, пренесува Sky News.
– Мислам дека ова е многу добар резултат за политиката и за државата – рече тој.
Запрашан како е тоа во споредба со претходното гласање за доверба на конзервативните премиери, тој рече:
– Добив далеку поголем мандат од колегите во парламентот отколку што имав во 2019 година.
Џонсон рече дека „сигурно не е заинтересиран за предвремени избори“ откако доби доверба во неговото раководство.
– Ова значи дека вечерва можеме да се фокусираме на она што го правиме, да им помогнеме на луѓето, да ги направиме улиците и заедниците побезбедни – им рече тој на новинарите и продолжи:
– Тоа ни дава шанса да се обединиме, да зајакнеме и да го подигнеме нивото на нашата економија. Она што сега ќе го направиме е да ја искористиме можноста да се обединиме и да постигнеме. Сакаме да го искористиме овој момент кој мислам дека е одлучувачки и конечен и да продолжиме со нашиот план – рече тој.
Да потсетиме, Џонсон го преживеа гласањето за доверба меѓу пратениците на Ториевците. За негово смена гласаа 148 пратеници на Конзервативната партија, додека за негово останување гласаа 211 пратеници. Гласаа вкупно 359 пратеници.
