Украинскиот претседател Володимир Зеленски денеска изјави дека за време на телефонскиот разговор британскиот премиер Борис Џонсон го потврдил новиот пакет-воена помош за Украина.
Зеленски изјави дека Џонсон и тој бараат начин да ја избегнат кризата со храна и да ги деблокираат украинските пристаништа.
Претходно денеска, беше објавено дека Велика Британија ќе ѝ испорача на Украина повеќе ракетни системи, кои може да погодат цели до 80 километри иако рускиот претседател Владимир Путин предупреди дека ќе бомбардира нови цели доколку САД испорачаат слично оружје на Киев.
Објаснувајќи го подарокот во форма на систем за повеќекратно лансирање „М270“, министерот за одбрана, Бен Валас, рече дека британската поддршка за Украина ќе се промени во согласност со развојот на руската тактика.
