Сенатот на Соединетите Американски Држави денеска го одобри пакетот американска помош за Украина од 40 милијарди долари.
Станува збор за пакет помош одобрен од Претставничкиот дом на САД минатата недела, а одлуката се очекува наскоро да ја одобри и американскиот претседател Џо Бајден.
Пакетот е значително подарежлив од 33 милијарди долари што Бајден првично ги побара од Конгресот во април.
Одобрениот пакет помош вклучува нова воена и економска помош за Украина и пет милијарди долари за помош во глобалниот одговор на растечката криза со несигурност во храната и зголемените цени на храната предизвикани од рускиот напад.
Украина е главен извозник на храна и војната имаше катастрофални последици за глобалните земјоделски пазари.
Во март, Конгресот одобри 13,6 милијарди долари за помош на Украина.