Северна Кореја денеска изврши ракетна проба, а најверојатно станува збор за истрелување на балистичка ракета, соопштија јапонската и јужнокорејската армија.
Јужнокорејската војска соопшти дека Северна Кореја истрелала проектил од нејзиниот источен брег, а новинската агенција „Јонхап“ нагласи дека војската верува дека станува збор за балистичка ракета.
И јапонското Министерство за одбрана на „Твитер“ објави дека тоа би можело да биде балистичка ракета.
Северна Кореја истрела балистичка ракета во морето во близина на нејзиниот источен брег во средата, соопштија Јужна Кореја и Јапонија откако Пјонгјанг вети дека ќе ги развие своите нуклеарни сили „со најголема можна брзина“.
Најновото тестирање доаѓа само неколку дена пред инаугурацијата на новиот претседател на Јужна Кореја, Јун Сук-јол, во вторник.
