Министерот за внатрешни работи Оливер Спасовски, одговарајќи на пратеничко прашање на Драган Ковачки од ВМРО-ДПМНЕ, ги отфрли обвинувањата дека го затскривале убиството на хрватскиот ракометар Денис Тот.
-Убиството беше решено во најкус рок. За да криете нешто треба да имате мотив? Кој би бил нашиот мотив? – рече Спасовски.
– Advertisements –
Тој посочи дека убиецот на странскиот ракометар го убило лице кое, како што рече, било блиско до лидерот на Ковачки.
-Тоа го покажуваат сликите – рече Спасовски, алудирајќи на фотографиите што излегоа во јавноста, каде првоосомничениот Анџело Ѓорѓиевски е фотографиран со Христијан Мицкоски.
Воедно, тој возврати дека своевремено ВМРО-ДПМНЕ како власт се обидуваше да го скрие убиството на Мартин Нешковски.
-Ваше обезбедување, припадници на МВР, на прослава на ВМРО-ДПМНЕ убија ваш член – истакна Спасовски.
