Објавеното видео направено со помош на дрон наводно покажува докази дека руски војници ископале ровови во Црвената шума, една од најрадиоактивните области во светот.
„Видеодоказ – руската команда навистина им нареди на своите војници да копаат утврдувања во близина на нуклеарната централа „Чернобил“ во радиоактивната Црвена шума во март 2022 година“, објави украинската армија на Твитер заедно со снимката.
Video proof. russian command did order its soldiers to dig fortifications near the Chornobyl nuclear power plant in the radioactive Red Forest in March, 2022. Complete neglect of human life, even of one's own subordinates, is what a killer-state looks like. pic.twitter.com/VLjNTaW3T3
— Defence of Ukraine (@DefenceU) April 6, 2022
Црвената шума е на само 500 метри од нуклеарниот комплекс „Чернобил“. Директно ги сноси последиците од експлозијата и пожарот во реакторот број 4 на нуклеарната централа во април 1986 година.
Руските трупи го освоија Чернобил на почетокот на нејзината инвазија на Украина на 24 февруари.
Минатата недела руските сили кои ја окупираа локацијата ја напуштија областа, соопшти украинската државна нуклеарна компанија Енергоатом.
Компанијата, исто така, ги потврди извештаите дека руските војници копале ровови во најзагадениот дел од забранетата зона во Чернобил, наведувајќи дека примиле „значителни дози“ на радијација.
Би-би-си не можеше веднаш да го потврди датумот и потеклото на снимката.