27-годишниот маж кој беше тешко повреден во пукање во Сакраменто минатиот викенд во кој загинаа шест лица е уапсен поради нелегално поседување оружје, соопшти полицијата.
Смајли Мартин моментално е во болница, има статус на затвореник и ќе биде уапсен штом лекарите констатираат дека е способен да остане во затвор, соопшти полицијата.
Неговата сестра, Дандре Мартин (26) исто така беше уапсена во неделата под сомнение за напад и нелегално поседување оружје.
Полицијата не соопшти детали за улогата на Мартин во пукањето, па не е јасно дали се бараат други осомничени. Шефот на полицијата Кејти Лестер изјави дека неколку напаѓачи учествувале во престрелката во која загинаа шест лица, а 12 се ранети.
Пукањето се случило во неделата околу 2 часот по полноќ по локално време во близина на центарот Голден 1, каде што е седиштето на Националната кошаркарска асоцијација Сакраменто Кингс.
Полицијата верува дека пукањето уследило по расправија во блискиот ноќен клуб и ја повика јавноста да помогне да се добијат снимки од инцидентот, кои беа објавени на социјалните мрежи.
Повредените во престрелката се здобиле со прострелни рани од полесни до критични, но сите се стабилни.
