Францускиот претседател Емануел Макрон изјави дека ќе разговара со неговиот руски колега Владимир Путин за условите за формирање хуманитарен коридор и евакуација на цивилите од Мариупол.
– Денеска имавме многу конкретни разговори со градоначалникот на Мариупол и со релевантните украински власти – изјави Макрон пред новинарите во Брисел по самитот на ЕУ, додавајќи дека ќе преговара со руската страна.
Турција и Грција ќе учествуваат во евакуацијата на цивилите од разурнатиот Мариупол. Југоисточното пристаниште Мариупол, град со 400.000 жители пред војната, е еден од градовите најтешко погодени од руското бомбардирање.
Макрон посочи дека ќе разговара со Путин и ќе му каже дека Франција нема намера да плаќа за природен гас во руски рубљи.