„Србија ќе го зачува мирот. Слободно бидете мирни. Сакаме луѓето да живеат во слобода, да живеат во мир, да живеат од својата работа“, рече српскиот претседател Александар Вучиќ за време на презентацијата на предизборната програма на неговата партија.
Според српските медиуми, Вучиќ открил дека добил „некои чудни информации на Телеграм во текот на попладневните часови“.
„Но, ние ги анализиравме и сè ќе биде во ред. Тоа се однесува на ситуацијата во регионот и ќе успееме да го зачуваме мирот. Слободно бидете мирни. Сакаме луѓето да живеат во слобода, да живеат во мир, да живеат од својата работа“, рече тој.
Вучиќ се осврнал и на состојбата со храната во регионот и светот. Тој кажал дека станува јасно дека храната нема да биде доволна за секого.
„Јасно е дека количината на храна што ја имаме во Европа нема да биде доволна за секого. Јасно е дека количината на жита е помала од побарувачката“, изјави српскиот претседател.
Тој додаде дека Србија сметала на оваа ситуација и дека има огромни барања за извоз на храна, најмногу од Италија.
