Сите видови горива во Црна Гора од денеска поскапуваат за три и четири центи за литар, соопшти Министерството за капитални инвестиции.
Литар од двата вида бензин поскапува четири центи, па во следните две недели БМБ 98 ќе чини 1,58 евро, а БМБ 95 – 1,54 евро.
„Евродизелот“ е поскап три центи за литар и чини 1,42 евро. Исто така, нафтата за греење поскапе три центи и чини 1,40 евро.
Со последното поскапување цените на горивата во Црна Гора го надминаа рекордот од 2012 година,кога највисоките цени на бензините беа 1,54 и 1,50 евро, а на „евродизелот“ – 1,38 евро.
Спонзорирано:
