Украина не предвидува дека Русија ќе изврши напад од големи размери врз земјата, изјави во понеделникот секретарот на Националниот совет за одбрана и безбедност.
Олексеј Данилов за украинските медиуми изјави дека се свесни за развојот на настаните и ризиците на нивната територија.
Истакнувајќи дека ситуацијата е целосно под контрола, Данилов рече дека не предвидуваат напад од поголеми размери од Русија на 16 или 17 февруари.
Сепак, тој нагласи дека и Украина е подготвена за каков било напад истакнувајќи дека руската страна може да изврши провокации.
Американскиот претседател Џо Бајден претходно ги информира западните лидери дека Русија би можела да ја нападне Украина на 16 февруари.
Тензиите меѓу Русија, Украина и Западот ескалираа во текот на викендот по трврдењето на западните медиуми дека Москва би можела да изврши напад врз Украина в среда.
Украина и Русија се во конфликт по избувнувањето на непријателствата во источниот украински регион Донбас во 2014 година откога Москва илегално го анектира полуостровот Крим.
