Девет лица загинаа, а едно е тешко повредено и е во критична состојба во сообраќајна несреќа во која учествувале шест возила во Северен Лас Вегас, Невада.
Според полицијата на Невада, несреќата ја предизвикал возач кој возел брзо и поминал на црвено светло.
Тој помина на црвено светло пред судирот што се случи во саботата попладне и во кој учествуваа 15 лица, изјави за новинарите портпаролот на полицијата во Северен Лас Вегас, Александар Куевас.
– Досега не сме виделе сообраќајна несреќа со толку жртви – рече Куевас.
Тој рече дека несовесниот возач со своето возило удрил во неколку возила.
Куевас изјави дека две лица се префрлени во болница, а едното од нив им подлегнало на повредите, а другото е во критична состојба.
Спонзорирано:
