Владата на Република Северна Македонија, денеска, со почеток во 11:45 часот ќе ги одржи 85-тата и 86-тата седница.
На 85-тата тематска седница, ќе бидат разгледани повеќе информации за склучување договори за инфраструктурни проекти од ТАВ програмата со 23 општини.
Веднаш по завршувањето на 85-тата, ќе започне 86-тата седница, на која меѓу точките на дневниот ред од Владината програма за работа и од интерес на граѓаните ќе се најдат и повеќе мерки и информации, кои се однесуваат на младинската политика, како една од приоритетите за проектирање на иднината на младите.
На седницата, министрите ќе ги разгледаат Предлог-програмата за изменување на Програмата за изградба и реконструкција на спортски објекти за 2021 година, Информацијата за формирање на Национално советодавно тело за младински политики и повеќе информации за текот и изградбата или реконструкциите на спортски објекти, поднесени од Агенцијата за млади и спорт.
За заклучоците и одлуките од денешните Владини седници, јавноста ќе биде информирана со соопштение.
