Centar.mk – Вести, бизнис, забава, спорт…
Коронавирус Свет

Њујорк и соседните држави до крајот на мај целосно ќе ги укинат ограничувањата против Ковид-19

Американските држави, кои беа најсилно погодени од пандемијата со коронавирусот минатата година, би можеле целосно да ги укинат ограничувањата кои беа на сила поради спречување на Ковид-19.

Њујорк, Њу Џерси и Конектикат ќе ги отстранат забраните воведени поради коронавирусот на 19 мај.

Места како што се ресторани, продавници, театри, музеи, забавни паркови и спортски сали ќе можат да работат со полн капацитет.

„Ова е пресвртна точка и важен момент за транзицијата на државата Њујорк“, вели гувернерот Ендру Куомо.

Њујоршкото метро ќе работи 24 часа на ден од 17 мај.