Комисијата за заразни болести денеска се очекува да одржи нов редовен состанок.
На состанокот ќе се дискутира за актуелната состојба со коронавирусот.
Како дел од опциите кои се спомнуваа во јавноста се дека е можно заострување на полицискиот час и намалавуње на работното време на угостелските објекти.
По завршувањето на состанокот на Комисијата за заразни болести ќе се знае дали до Владата ќе бидат препорачани построги мерки, односно викенд-карантин.
Инаку, според здравствените власти државата моментално се наоѓа во третиот бран од коронавирус, а пикот како што беше порачано деновиве во нивните изјави веќе од следните недели ќе почне да се намалува.
Министерството за здравство вчера информираше дека согласно податоците од Институтот за јавно здравје, во последните 24 часа биле направени 3.897 тестирања, а регистрирани биле 1.264 нови случаи на Ковид-19.
