Претседателот на Србија, Александар Вучиќ ѝ се обратил на јавноста преку видео порака во која се осврнал на се почестите мафијашки судири во Србија.
Како што изјави, Србија ќе се справи со мафијата, за што тој лично гарантира.
„2012, 2013, 2014 година, се боревме против тајкуните кои ја ограбуваа земјата и кои сакаа да ја уништат. Успеавме во тоа и ја обновивме земјата! Денес, Србија е прва во Европа според стапката на раст. Платите растат, пензиите растат, луѓето живеат подобро. Додека ние се боревме за подобар животен стандард и за Косово и Метохија, додека се боревме за подобар здравствен систем за да можеме да лекуваме луѓе, некои луѓе сметаа дека најисплатлива работа е да бидат мафијаши, да убиваат луѓе, да киднапираат наши граѓани и да сеат страв. Ветувам, ќе ги победиме и ви го гарантирам тоа! Без оглед на лични, политички и какви било други последици!“, изјавил Вучиќ.
