Британската полиција доби пристап до податоците за жителите на кои им е наредено да се изолираат, објави британското Министерство за здравство.
Портпарол на Министерството изјави дека се согласиле со националното полициско тело, полициските службеници да имаат пристап до информации за самоизолација.
„Меморандумот за разбирање гарантира размена на информации со соодветни заштитни мерки и во согласност со законот. Ниту една здравствена информација или информации за тестирање не се споделуваат во процесот“, рече портпаролот во изјавата.
