Стотици сириски платеници ангажирани од Турција се распоредени во зоната на конфликти во Нагорно-Карабах, тврди „Волстрит џурнал“.
Весникот цитира извори што учествуваат во испраќањето сириски борци.
Во извештајот на „Волстрит џурнал“ се наведува дека стотици платеници од сириските вооружени фракции блиски до Турција се вклучиле во борбите меѓу Азербејџан и Ерменија и дека стотици други се подготвуваат да заминат на фронтот во Нагорно-Карабах.
Стотици сириски платеници ангажирани од Турција се распоредени во зоната на конфликти во Нагорно-Карабах, тврди „Волстрит џурнал“.
Според информации од извор поврзан со сириските вооружени фракции поддржани од Анкара, досега се убиени речиси 200 сириски борци, па многумина се обидуваат да се вратат во Сирија, пренесува ТАСС.
Истиот извор наведува дека сириските платеници се согласуваат да се борат за плата од речиси 2 илјади американски долари, но дека бројот на жртви меѓу нив се зголемува.
Цитирајќи информации од Министерството за одбрана на САД, „Волстрит џурнал“ тврди дека Турција веќе испратила речиси 5.000 платеници од Сирија и во Либија.
Анкара ги отфрли обвинувањата дека испраќа платеници во Нагорно-Карабах.