Владата вчера на седница им порача на Судскиот совет и на Врховниот суд да ја разгледаат можноста и да направат план за одложување на судењата, со исклучок на оние судски предмети кај кои постои потреба од итност на постапување.
Итноста се однесува на предмети што се пред застарување, предмети во кои се изречени мерки притвор или други мерки за обезбедување присуство, како и предмети кај кои сериозно би било нарушено правото на судење во разумен рок, предмети стасани до изрекување пресуди, предмети за кои се одлучува без јавна расправа.
Владата на синоќешната седница донесе одлука и за затворање на сите гранични премини и на Меѓународниот аеродром „Скопје“.
