Поранешниот филмски продуцент Харви Вајнштајн е одведен во озлогласениот њујоркшки затвор „Рикерс“, десет дена по осудата за силување и сексуален напад.
67-годишниот продуцент од историската пресуда на 24 февруари се наоѓаше во болница на Менхетн поради болки во градите.
Вајнштајн, чии филмови освоjуваа „Оскари“, по операцијата, е пренесен во болничка единица на затворот „Рикерс“, рекол неговиот портпарол за агенциите.
„Отстрането е затнувањето“, рекол портпаролот, а неколку американски медиуми пренесуваат дека на Вајнштајн му е вграден стент.
Вајнштајн е прогласен за виновен за сексуален напад на поранешната асистентка Мими Халеи во 2006 година, како и за силување на поранешната актерка Џесика Ман во 2013 година.
Ослободен е по две точки од обвинението за предаторски сексуален напад за што можел да добие доживотен затвор.
„Рикерс“ е еден од најпознатите американски затвори во кои биле затворани славни личности, како Сида Вичиоса од „Секс пистолс“, раперот Тупак и поранешниот генерален директор на Меѓународниот монетарен фонд, Доминик Штрос-Кан.
Големиот комплекс, познат по редовните насилни испади против затворениците и чуварите, ќе биде затворен во 2026 година./Makfax