Две експериментални вакцини за новиот коронавирус, на кои работат научници од рускиот Државен истражувачки центар за вирус и биотехнологија „Вектор“, ќе бидат тестирани во јуни, објави сибирскиот огранок на Руската академија на науките.
„Ние развиваме две вакцини, нивните прототипови треба да бидат тестирани во јуни“, рече извршниот директор Ринат Максјутов.
Тој кажа дека „Вектор“ веќе создал два дијагностички сета за новиот коронавирус.
Кинескиот центар за контрола и превенција на заразни болести, исто така, почна да развива нов вид вакцина против вирусот 2019-nCoV, кој предизвикува пневмонија.
Досега 80 лица починале од корона вирусот, додека 2.700 се разболеле./Makfax
