Италиjaнската полиција соопшти дека 330 лица, од кои дел се во Швајцарија, Германија и Бугарија, се уапсени во голема операција против мафијашката организација Ндрангета.
Ндрангета потекнува од Калабрија во јужна Италија, а се верува дека е најмоќната мрежа за организиран криминал во светот и водечки шверцер на кокаин во Европа.
Околу 260 лица се спроведени во затвор, а 70 се ставени во домашен притвор, соопшти денеска полицијата.
Осомничените се соочуваат со обвиненија за мафијшко здружување, убиства, рекет, трговија со дрога, перење пари, корупција и измама.
Полициската операција беше насочена против повеќе групи во провинцијата Вибо Валентија во Калабрија и откри нивни врски со локални бизнисмени, владини претставници, политичари и полициски службеници.
Како дел од операцијата, во која беа вклучени повеќе од 25.000 карабинери, на осомничените им е одземен имот во вредност од 15 милиони евра.
