Секогаш во средиштето на збиднувањата...

САД ја предупреди Северна Кореја да е откаже од нуклеарната програма и да избегнува провокации

САД се подготвени да бидат флексибилни во преговорите чија цел е Северна Кореја да се натера да се откаже од нуклеарната и ракетна програма, но Пјонгјанг мора да се ангажира и да избегнува провокации, изјави американската амбасадорка во ОН Кели Крафт.

Таа додаде дека САД се подготвени да бидат флексибилни, но тие не можат сами да го решат овој проблем и оти Северна Кореја мора да се ангажира во тој процес.Според неа, Советот за безбедност мора да биде подготвен да одговори на какви било провокации од страна на таа земја.

Советот за безбедност се состана на барање на САД во време кога расте меѓународната загриженост дека Пјонгјанг,поради застојот во преговорите за денуклеаризација меѓу Северна Кореја и САД, би можел да продолжи со нуклеарни и проби на ракети со долг дострел кои беа прекинати од 2017 година.