Најстарата жена во Русија, Танзилија Бисембeева од Астрахан, почина во 123. година од животот, а на нејзиниот погреб присуствувало целото село, соопштија локалните власти.
Според нејзините роднини, Бисембеева живеела со членовите на нејзиното семејство.
Родена е на 14 март 1896 година, имала четири деца, 10 внучиња, 13 правнуци и двајца чукунвнуци.
Пред три години Бисембеева била призната како најстарата личност на светот во Руската книга за рекорди.
Една година подоцна, откриена е Нана Шаова од Кавказ, која тогаш имала 127 години, и која се најде на врвот на таа листа, но таа почина на почетокот од оваа година./Makfax
