Заев: Пред два дена во Брисел ни беше направена голема неправда – Јас сум разочаран и лут и знам дека цел народ се чувствува така

– Пред два дена во Брисел ни беше направена голема неправда, европската унија не ни го испорача тоа што ни го вети. Ние ги исполнивме нашите обврски, а тие не си остана на зборот и не испорачаа. Тоа што е ЕУ не ни даде преговори е нивна историска грешка и тоа го потврдија сите европски лидери. Денеска сакам јавно да се заблагодарам на европските лидери кои застанаа зад нас, порача премеирот Зоран Заев на денешната прес конференција.

– Факт е дека ние сме жртви на историска грешка кај ЕУ, и тоа кај нас предизвикува огорченост. Јас сум разочаран и лут и знам дека цел народ така се чувствува. затоа гневот и лутината на народот ги чувствувам како уште една лузна. За мене ова е исклучително лоша и неправедна постапка. Тоа е одлука на ЕУ заради нивни нерешени работи, таа одлука ние не можевме да ја промениме, рече премиерот Зоран Заев.