Лидерот на партијата Шведски демократи, Џими Екесон, во колумна објавена во шведскиот дневен весник „Афтонбладет“ побара миграциска политика повеќе заснована на реалноста во споредба со другите партии, пренесува „Спутник“.
Префрлајќи ја вината за, како што рече, мигрантската криза предизвикана од човекот, врз владејачките социјалдемократи и ја поздрави неодамнешната порака на либерално-конзервативните Модерати за намалување на азилантската миграција, Екесон ја нарече оваа мерка неамбициозна.
Според него, Шведска треба да го сведе бројот на азиланти на нула сè додека ситуацијата е проблематична како денес.
„Треба да биде оневозможен животот во т.н. паралелно општество, а оние што се нелегално во Шведска мора да бидат убедени да ја напуштат земјата или ефикасно да се идентификуваат и приведат до протерување“, тврди Екесон.
Долгогодишниот лидер на шведските демократи исто така тврди дека Одборот за миграција на земјата треба поизразено да работи на репатријацијата, што, според него, е последен чекор во одговорната помош за бегалците.
Како заклучок Екесон посочи дека целата перцепција за миграцијата мора да се промени. Според него, државјанството веќе не може да биде нешто што речиси автоматски им се доделува на оние што биле тука доволно долго.
„Како минимум, секој што станува шведски државјанин мора да може да го разбере шведскиот закон, да ги разбере и почитува шведските закони и регулативи и да покаже разбирање за социјалните кодекси, норми и вредности“, заклучи Екесон во својата колумна, копотпишана од портпаролката за миграција на демократите, Паула Билер.
