Заменик помошникот државен секретар Метју Палмер е новиот специјален претставник на САД за Балканот.
Како што соопшти синоќа Стејт департментот, Палмер на 1 септември ќе учествува во работата на Стратешкиот форум на Блед, а потоа ќе ги претставува САД на состаниците на четворката во Брисел и во Подгорица.
Во соопштението на Стејт департментот се наведува дека Палмер ќе настојува САД да ги зајакнат дипломатските напори за поддршката на мирот, стабилноста и напредокот на регионот, како и интеграцијата на земјите од Западен Бaлкан во западните институции.
