ВМРО-ДПМНЕ, предводена од Христијан Мицкоски, е иста како ВМРО-ДПМНЕ предводена од Никола Груевски, констатираат од СДСМ.
Според владејачката партија, Мицкоски и ВМРО-ДПМНЕ се единствените што навиваат за неуспех и единствените што работат против интеграцијата во обид да ја вратат државата назад во, како што се вели, темното минато на изолација.
„ВМРО-ДПМНЕ и Мицкоски се на спротивната страна од напредокот од развојот и интеграцијата, на спротивната страна од граѓаните и нивните интереси. Затоа, Мицкоски и ВМРО-ДПМНЕ беа поразени и на претседателските и на предвремените локални избори и затоа одново ќе бидат поразени“, се наведува во партиското соопштение.
Од СДСМ наведуваат дека граѓаните се определени за напредок, за иднина во ЕУ и НАТО и нема да дозволат Мицкоски и ВМРО-ДПМНЕ да го спречат остварувањето на стратешките цели.
