Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова.
Телото на Маринова беше пронајдено на 6 октомври минатата година на реката Дунав во градот Русе, на северот од Бугарија.
Обвинетиот 21-годишниот Красимир се појави под силни безбедносни мерки и со лисици во судницата, каде што се изјасни за виновен и побара побрзо изрекување на пресудата.
Истражувачите заклучија дека Красимиров самиот го сторил кривичното дело.
Красимиров беше уапсен во Германија, каде што избега и беше пренесен во Бугарија една недела по убиството.
Со изјаснување за виновен, Красимиров избегна доживотен затвор.
Тој има можност да поднесе жалба против пресудата во рок од 15 дена.
Спонзорирано:
