Пожарот што ја опустоши катедралата Нотр Дам во Париз предизвика шок и тага на Светиот Престол, изјави синоќа портпаролот на Ватикан, Алесандро Џизоти.
„Страшната вест за пожарот што ја опустоши катедралата Нотр Дам, симбол на христијанството во Франција и светот, беше примена од Светиот Престол со шок и тага”, рече Џизоти, според „Ројтерс“.
„Ние ја изразуваме својата блискост со француските католици и граѓаните на Париз и се молиме за пожарникарите и за сите што прават сé што е можно во справувањето со оваа драматична ситуација”, рече тој.