Израелската војска синоќа бомбардираше цели во централна Сирија, а повредени се шест војници, јави сириската агенција Сана.
„Израелската авијација спроведе напади на наша воена позиција во 2 и 30 часот после полноќ по локално време, во градот Масијаф во провинцијата Хамас“, соопштиле сириски воени извори и додале дека противвоздушната одбрана пресретнала неколку непријателски ракети.
Истите извори рекле дека се повредени шест борци и дека се уништени неколку згради.
Опозициската Сириска опсерваторија за човекови права соопшти дека Израел гаѓал три мети и дека во нападот се повредени 17 војници.
Се претпоставуува дека израелската војска гаѓала позиции на кои се наоѓаат Иранците кои го поддржуваат претседателот Башар ал Асад.
Израел вообичаено не ги коментира нападите во соседна Сирија. Последниот таков напад беше на крајот на март.
