Скопското обвинителство почна истрага за неовластено производство и пуштање во промет на марихуана во Визбегово. Како што се наведува во соопштението, осомничените, во куќа во која привремено престојувале во скопско Визбегово, неовластено заради продажба држеле наркотична дрога марихуана со вкупна нето-маса од 5.890,21 грам.
При претрес на домот, осомничената била затекната како во дворот на куќата фрла од прозорецот црна полиетиленска ќеса во која била спакувана марихуана со нето-маса од 1.860,8 грама. Останатата дрога била пронајдена во неколку различни пакувања при преглед на блиската околина на домот во кој престојувале заедно со осомничениот.
Надлежниот јавен обвинител процени дека постојат околности коишто укажуваат на опасност од бегство на осомничените, па до судијата на претходна постапка од Основниот суд Скопје 1 Скопје достави предлог за определување мерка притвор, се наведува во соопштението.
