Министерството за здравство во Конго објави дека четворица пациенти кај кои била потврдена ебола исчезнале по вчерашниот напад врз медицински центар во источниот град Бутембо.
Ова е втор напад врз центар за третман на ебола во текот на неделата, објави агенцијата АП.
Напаѓачите во неделата нападнале и друг центар во Катва, при што едно лице го загубило животот, а друго е рането.
Министерството синоќа објави дека во таа ситуација побегнале 32 од 38 пациенти за кои постоеле сомненија дека имаат ебола.
Оние кои биле пронајдени, вклучувајќи и осум лица за кои е потврдено дека имаат ебола, привремено се префрлени во друг медицински центар.
Приоритет на Министерството сега се новите четворица побегнати за кои се тврди дека се многу заразни.
Спонзорирано:
