Њу Делхи го погоди бура со силен дожд и град, обојувајќи го градот во бело, што предизвика неверување и восхит меѓу жителите на главниот град на Индија.
На фотографиите и видеата објавени на општествените мрежи се гледаат ледени топчиња со големина на цреша и улици покриени со бел килим, според британскиот јавен сервис Би-би-си.
Многу луѓе ја споредуваат оваа необична сцена со оние од Чикаго или Лондон.
Освен што ги одушеви жителите на Делхи, оваа непогода, исто така, помогна да се подобри квалитетот на воздухот во градот познат по загадувањето.
Бурите со градот „не се реткост за Делхи, но нивното појавување не е вообичаено”, изјави метеорологот Џејсон Николс на американскиот вебсајт „Акуведер”.
Временските непогоди, исто така, ги принудија авиокомпаниите да пренасочат повеќе од 30 летови.
Во изминатите неколку денови во делови од северна Индија се забележани големи снежни врнежи, предизвикувајќи опасност од лавини, а училиштата се затворени.
