Силното снежно невреме кое трае цел ден во Западниот дел на Македонија го отежнува сообраќајот на една од најкритичните точки во земјава кога има вакви временски услови, а тоа е патот Реден – Битола.
На патот Ресен – Битола во моментов има забрана за движење на тешки товарни возила.
Погледнете го видеото.
https://www.facebook.com/149032011830930/posts/2097916143609164/
АМСМ СЛУЖБА ЗА ПОМОШ И ИНФОРМАЦИИ известува:
СОСТОЈБА: Сообраќајот на државните патишта се одвива во зимски услови наместа со остатоци од снег на коловозот. Врнежи на снег со променлив интензитет има на целата територија на Македонија.
ИЗВЕСТУВАЊЕ: На патниот правец Велес – Штип, поради сообраќајна незгода сообраќајот се одвива забавено, во колона и забранет е сообраќај за тешки товарни возила.
ЗАБРАНА ЗА СООБРАЌАЈ : Забрана за движење на тешки товарни возила има на патните правци крак Маврово – Дебар, Гостивар – Кичево, преку планинскиот премин Стража, Кичево – Охрид, преку планинскиот премин Пресека, планинските премини Ѓавато, Буково и Плетвар, Струга – граничен премин Ќафасан, како и на патниот праевец Тетово – Попова Шапка, каде забраната важи и за автобуси, а за останатите возила е задолжително користење на зимска опрема (синџири).
ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.